Այսօր՝ սեպտեմբերի 15-ին, Ազգային ժողովում պատգամավորների հայտարարությունների ժամին անկախ պատգամավոր Արման Բաբաջանյանը հայտարարեց, որ այսօր ԱԺ-ում արձանագրվեց ցավալի իրողություն:
«Իշխանության տակ դրեցիք դանդաղ գործողության ռումբ, հեղափոխությունը պարտություն կրեց առնվազն սահմանադրական արդարադատության ոլորտում»,- ընդգծեց նա:
Պատգամավորի խոսքով` իշխող մեծամասնությունը ՍԴ դատավոր ընտրեց ՍԴ նախկին դատավորներից ոչնչով չտարբերվող թեկնածուների. «ՍԴ կամակատարներին փոխարինելու են գալիս կաշառակեր գիտնականն ու դասախոսը, նախկին իշխանության ձեռնածու դատավորն ու մի անդեմ իրավաբան, ինչի առթիվ շնորհավորում եմ իշխող մեծամասնությանը»:
Բաբաջանյանն ընդգծեց` նախկին հանցավոր ՍԴ-ն փոխարինվեց նոր հանցավոր ՍԴ-ով. «Սա իշխանության գիտակցված ընտրությունն էր, որով դուք դավաճանեցիք հարյուր հազարավոր քաղաքացիների տված ձեր խոստումներին»:
Նա հավաստիացրեց, որ օրինականության համար մղվող պայքարը շարունակելու է:
Մանրամասն՝ տեսանյութում: