Արդեն 18 օր է, ինչ ՀՀ գլխավոր դատախազության դիմացն եք ու պահանջում եք գլխավոր դատախազ Արթուր Դավթյանի հրաժարակա՞նը․ «Առաջին լրատվական»-ի հարցին իրավաբան, «Վելես» իրավապաշտպան ՀԿ նախագահ Մարինա Պողոսյանը պատասխանեց․ «Հրաժարականը և քրեական պատասխանատվությունը, որովհետև հրաժարականը մեր համար ինքնանպատակ չէ, և այն իր մեջ ունի մինիմալ ու մաքսիմալ ծրագրեր։ Այսինքն՝ առաջին քայլով մենք պահանջում ենք Արթուր Դավթյանի հրաժարականը, որը մենք պահանջում ենք 2018 թվականի հունիսից։ Ընդ որում՝ այդ ժամանակ մենք ստորագրահավաք սկսեցինք։ Արթուր Դավթյանը երբեք հրաժարական չի տա։ Դա ունի շատ լուրջ պատճառներ։ Նա միշտ եղել է ռեժիմի կամակատարը։ Նա եղել է իշխող կուսակցության պատվերները կատարող։ Այսինքն՝ եղել է քաղաքական պատվեր կատարող»։
Հիմա էլ «Իմ քայլի» պատվե՞րն է կատարում․ «Առաջին լրատվական»-ի հարցին Մարինա Պողոսյանը պատասխանեց․ «Չեմ կարծում, որովհետև մենք հստակ ունենք այլ կուսակցության պատվերի սքրինշոթեր։ Այսինքն՝ այն, որ Արթուր Դավթյանը եղել է սերժածին, որևէ մեկս դրա մեջ կասկածներ չունենք։ Արթուր Դավթյանը սերտ կապեր է ունեցել Ռուսաստանում գտնվող որոշ մարդկանց հետ։ Դրա մեջ էլ որևէ կասկած չկա՝ մանրամասնել եմ ԱԱԾ-ով։ Արթուր Դավթյանը երբեք հրաժարական չի տա, որովհետև նրա մեջ շատ է վախի սինդրոմը։ Հրաժարական տալուց հետո, բնականաբար, նա այլևս չի ունենալու այն անվտանգությունը, որն հիմա ունի, և նա քաջ գիտակցում է, որ հայ ժողովուրդը նրան չի ներելու Հաց բերողի մահը՝ կոնկրետ Հաց բերողի մահվան գլխավոր պատասխանատուն և «ռեժիսորը» նա է։ Բացի դրանից՝ զարմանում եմ, որ նրան ներել են իմքայլականները, որովհետև հեղափոխության օրերին Արթուր Դավթյանը կատարելով իր «կնքահոր»՝ Սերժ Սարգսյանի պատվերը, փորձում էր գլխատել հեղափոխությունը»։
Մանրամասները՝ տեսանյութում։
