«2019-ը բարդ տարի էր, բայց նաև արգասաբեր արտակարգ իրավիճակների նախարարության համար, որովհետև այս տարվա ընթացքում բավականին ձեռքբերումներ ունեցանք: Երբևիցե բյուջետային այսքան գնումներ չէին եղել… Նախարարությանը հավելյալ ֆինանսավորում է տրամադրվել: Մեր աշխատակիցների աշխատավարձը հոկտեմբերից ավելացվել է: Մեր տեխնիկական պարկը համալրվել է նաև դոնորների միջոցով…»,- այս մասին «Առաջին լրատվական»-ի հետ զրույցում ասաց ՀՀ արտակարգ իրավիճակների նախարար Ֆելիքս Ցոլակյանը՝ հավելելով, որ թեև տեխնիկական զինվածության աստիճանը փոխվել է, բայց դեռևս բավարար չէ:
Անդրադառնալով օրերս կառավարության նիստում վարչապետ Նիկոլ Փաշինյանի հայտարարությանն այն մասին, որ պետական համակարգը դիմադրում է հեղափոխությանը՝ Ֆելիքս Ցոլակյանը նշեց. «Կարծում եմ վարչապետը նկատի ուներ այն օղակները, որոնք լավ չեն աշխատում: Լավ չաշխատելը հենց հակադրվել է: Հին «երիշով» են աշխատում, իսկ հին «երիշով» աշխատելը օգտակար չէ: Այս նոր պահանջների պայմաններում պիտի մի քիչ վառվեն աշխատանքի համար, հավանաբար վարչապետն այդ վառվելը չի տեսնում»:
Ֆ. Ցոլակյանը նաև հավելեց, որ ինքը նույնպես իրեն վստահված համակարգում հանդիպում է այդպիսի դիմադրության. «Մարդիկ կան, որ մեր նախարարությունում աշխատում են, բայց մեր դեմ ոչ օբյեկտիվ հոդվածներ են գրում, կան մարդիկ, որ ֆեյսբուքյան հերոս են դարձել այդ ֆոնին: Ում համար որ նախկինում կոմֆորտ է եղել, հիմա իրեն վատ է զգում, որ արտոնյալ վիճակում չէ, և սկում է բամբասանքները…»:
Մանրամասն՝ տեսանյութում: