«Գյուղի վարչական տարածքում գտնվող միակ խմելու ջրի ակունքից բխող ջրաքանակը կտրուկ նվազեց, և մենք միանգամից դիմեցինք կտրուկ գործողությունների»,- «Առաջին լրատվական»-ի հետ զրույցում ասաց Տավուշի մարզի Բերքաբեր գյուղից մեր զրուցակիցը:
Նրա խոսքով՝ ջուրը պետք է բերվի Աճարկուտից, որտեղից մինչև գյուղ հեռավորությունը 12 կմ է. «Մենք դիմեցինք «Արարատ» միությանը, և իրենք մեզ օգնեցին 6200 մետր խողովակ ձեռք բերել: Մենք մեր համայնքի ուժերով այդ խողովակը անցկացրինք Աճարկուտից մինչև Բերքաբեր»:
Մեր զրուցակիցներից մեկն էլ նշեց, որ սահմանամերձ այս գյուղը, որն ունի ռազմավարական նշանակություն, չունի ո՛չ խմելու, ո՛չ ոռոգման ջուր. «Ասում են՝ ջրամբարը ռիսկային է, բայց մեր հարևանությամբ գտնվող գյուղում ադրբեջանցիները ջրամբարից օգտվում են, իսկ մենք մի կաթիլ չենք օգտվում»:
Առավել մանրամասն՝ տեսանյութում:
