«Տարվա մարդ» տիտղոսին արժանացածի անունը Time հանդեսը ավանդաբար հրապարակում է դեկտեմբերի վերջին համարում։ «Տարվա մարդ» անվանակարգը շնորհվում է 1927թ-ից, այդ կոչմանն առաջինն արժանացել է օդաչու Չարլզ Լինդբերգը՝, ով պատմության մեջ առաջին անգամ միայնակ թռիչքով անցել է Ատլանտիկան։ TIME-ի կողմից քննարկված «Տարվա մարդ» անվանումը ոչ մեծարանք է, ոչ խրախուսանքի նշան, և ոչ էլ ճանաչված լինելու նշան է։ Սա աշխարհի գնահատականն է ա՛յն մարդկանց ովքեր ձևավորում են այս աշխարհը՝ դեպի վատը կամ դեպի լավը։ Այս անվանակարգը, անկասկած, կապ ունի առաջնորդության որակների հետ։
Time հանդեսի վարկածով 16-ամյա Գրետա Թունբերգը ճանաչվել է «Տարվա մարդ-2019» ։Թունբերգի լուսանկարը զետեղված Է հանդեսի շապիկին։ Պատանի շվեդ ակտիվիստուհի, կլիմայի պաշտպան Գրետա Թունբերգը բոլորից շատ է բարձրաձայնել մոլորակի առջև ծառացած ամենամեծ խնդրի մասին՝ հանկարծակի հայտնվելով և գլխավորելով համաշխարհային շարժումը,-ասել է ամսագրի գլխավոր խմբագիր Էդվարդ Ֆելսենտալը: Տարվա մարդ» կոչմանը հավակնում էին նաև ԱՄՆ նախագահ Դոնալդ Թրամփը, ԱՄՆ Կոնգրեսի Ներկայացուցիչների պալատի խոսնակ Նենսի Փելոսին, Կենտրոնական հետախուզական վարչության գաղտնի իրազեկիչը, որի շնորհիվ մեկնարկել է Թրամփի դեմ իմպիչմենտի գործընթացը և Հոնկոնգում զանգվածային բողոքի ակցիաների մասնակցի հավաքական կերպարը։
Թունբերգի տարվա մարդ կոչմանը արժանանալու փաստին հեգնանքով է վերաբերվել ԱՄն Նախագահ Դոնալդ Թրամփը․ «Ինչ անհեթեթ է։ Գրետան պետք է աշխատի իր ցասումը զսպելու խնդրի վրա, իսկ հետո ընկերոջ հետ հին, բարի ֆիլմ դիտելու գնա։ Հանգստացիր, Գրետա, հանգստացիր»,–նշել է Թրամփը։ Չնայած Թրամփի հեգնանքին, Թայմը նշել է, որ նրան հաջողվել է երկրագնդի մասին մտահոգությունները վերածել կլիմայի փոփոխության դեմ պայքարի համաշխարհային շարժման։ Տարբեր տարիների Տարվա մարդ են դարձել Ֆրանկլին Ռուզվելտը, Ջոն Քենեդին, Ջորջ Բուշը, ինչպես նաև համացամցի օգտատերը։ 2007 թվականին տարվա մարդ է ճանաչվել ՌԴ նախագախ Վլադիմիր Պուտինը ։