Այսօր՝ դեկտեմբերի 19-ին, Ազգային ժողովում հրավիրվել է արտահերթ նիստ: Օրակարգում Տեղական հանրաքվեի մասին օրենքում փոփոխություն կատարելու մասին օրենքի նախագիծը երկրորդ ընթերցմամբ ընդունելու մասին հարցն է:
«Բարգավաճ Հայաստան» խմբակցության պատգամավոր Նաիրա Զոհրաբյանը տեղեկացրեց, որ երեկ գիշերը դռնից և պատուհանից ներխուժել են «Ժողովուրդ» թերթի և armlur.am կայքի խմբագրություն. «Ամբողջ խմբագրությունը տակնուվրա է արված»:
Նա իրավապներին կոչ արեց պարզել, թե ովքեր են դա արել:
Հույս հայտնելով, որ սա ԱԺ վերջին նիստն է, պատգամավորն ասաց. «Բանավեճերը թող լինեն միայն քաղաքական: Եկեք այլևս երբեք դիսկուրսը չիջեցնենք անձնական հարթակ. այդտեղ մենք բոլորս պարտվում ենք»:
Մանրամասները՝ տեսանյութում: