Այսօր՝ դեկտեմբերի 19-ին, Ազգային ժողովում հրավիրվել է արտահերթ նիստ: Օրակարգում Տեղական հանրաքվեի մասին օրենքում փոփոխություն կատարելու մասին օրենքի նախագիծը երկրորդ ընթերցմամբ ընդունելու մասին հարցն է:
«Ինձ համար նախագծի ընդունման հիմնական շարժառիթը համայնքի կարծիքը լսելն է, որովհետև շատերս մեր խոսքում ասում ենք՝ համայնքը դեմ է, ժողովուրդը դեմ է, և դա լինում է սուբյեկտիվ արտահայտություն»,- հայտարարեց «Իմ քայլը» խմբակցության պատգամավոր Բաբկեն Թունյանը:
Այնուհետև նա ներկայացրեց տեղեկություններ իրենց հանձնաժողովի՝ տնտեսական հարցերով հանձնաժողովի գործունեության հետ կապված. «Իմ կարծիքով՝ արդյունավետ տարի է եղել»:
Նրա խոսքով՝ այս տարի թռչնամսի գինն իջել է. «Իմ ակնկալմամբ՝ հաջորդ տարի կլինի ոչ թե գների բարձրացում, այլ գների նվազում: Մեր հայրենակիցներին խնդրում եմ չտագնապել, ամեն ինչ նորմալ է»:
Մանրամասները՝ տեսանյութում:
