Այսօր՝ դեկտեմբերի 19-ին, Ազգային ժողովում հրավիրվել է արտահերթ նիստ: Օրակարգում Հանրաքվեի մասին օրենքում փոփոխություն կատարելու մասին օրենքի նախագիծը երկրորդ ընթերցմամբ ընդունելու մասին հարցն է:
«Իմ քայլը» խմբակցության պատգամավոր Միքայել Զոլյանը իր ելույթում անդրադարձավ Տերյան և Քոչար փողոցների միջև գտնվող տպարանի շենքին, որտեղ արդեն 5-րդ օրն է՝ շինաշխատանքներ են ընթանում:
Նրա խոսքով՝ քաղաքացիները մտահոգություններ ունեն դրա հետ կապված. «Ես ուզում եմ դիմել իմ շատ սիրելի ընկեր Արայիկ Հարությունյանին, իմ կողմից շատ հարգված և սիրված Նարինե Թուխիկյանին, որ այդ հարցը ևս մեկ անգամ քննեն: Առաջարկում եմ այս պահին դադարեցնել աշխատանքները, հանդիպել, շփվել երևանցիների, մասնագիտական համայնքի ներկայացուցիչների հետ: Եթե այդ մտահոգություններն անհիմն են, քննարկման ընթացքում դրանք կվերանան: Իսկ եթե հիմնավոր են, այդ հարցը պետք է լուծվի»:
Պատգամավորը հավելեց. «Այն մարդիկ, ովքեր անհիմն մեղադրանքներ են հնչեցնում Արայիկ Հարությունյանի հասցեին, իմ ելույթից հանկարծ չոգևորվեն. ես անվերապահ աջակցում եմ Արայիկ Հարությունյանին՝ որպես մեր թիմի անդամ»:
Մանրամասները՝ տեսանյութում:
