Փաշինյանի աջակցության աստիճանին հասնելու համար այլ ղեկավարներ ամեն ինչ կանեին. այսպիսի տեսակետ են հայտնել ամերիկյան փորձագետները:
Այս առնչությամբ սոցիոլոգ Արտակ Սաղաթելյանը «Առաջին լրատվական»-ի հետ զրույցում ասաց. «Հարցման արդյունքներով՝ բավական ճշգրիտ պատկեր ենք ստանում. հեղափոխությունից մեկուկես տարի անց մեր կառավարության, տարբեր ինստիտուտների հեղինակությունը շարունակում է բարձր մնալ»:
Դիտարկմանը՝ հաշվի առնելով այս վարկանիշը՝ կարո՞ղ ենք նշել, որ արտահերթ խորհրդարանական ընտրությունների գործընթացը բացառվում է, կառավարման փորձագետ Սերոբ Անտինյանը պատասխանեց. «Արտահերթ խորհրդարանական ընտրությունները շատ հստակ իրավական և քաղաքական հիմքեր ունեն: Մենք կարող ենք փաստել, որ այս փուլում երկու պարագայում էլ նման հիմքեր չկան»:
Ինչ վերաբերում է կառավարության վարկանիշին, կառավարման փորձագետը նկատեց. «Հանրային կառավարման արդյունավետության գնահատման անկյունաքարային բաղադրիչը հանրային բարիքի հանդեպ վերաբերմունքն է: Ներկա իշխանությունները այս առումով անմրցակցելի առավելություն ունեն նախորդների հանդեպ, որովհետև չեն գողանում»:
Մեր զրուցակցի խոսքով՝ հանրային բարիքի հանդեպ այդ հոգատար վերաբերմունքը և հանրային բարիքի վատնման հետ կապված հանցագործությունների բացահայտումներն են պատճառը, որ ներկայիս իշխանություններն ունեն նման աննախադեպ բարձր վարկանիշ:
Հարցազրույցն ամբողջությամբ՝ տեսանյութում: