«Այս փուլում, կարծում եմ, ինչ-որ շոու-իմիտացիաներ պետք են: Խոսելով բարոյահոգեբանական մթնոլորտի մասին՝ կարծում եմ՝ այն ազատություններն ու այն երաշխիքները, որոնք այսօր կան, ևս մեկ անգամ ապացուցում են, որ իշխանությունները որևէ կերպ ուժ չեն բանեցնում»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Նազելի Բաղդասարյանը՝ անդրադառնալով մշակութային 60 գործիչների՝ ի աջակցություն Ռոբերտ Քոչարյանի հայտարարությանը:
Նրա խոսքով՝ բարոյահոգեբանական մթնոլորտը, որը եղել է պարոն Քոչարյանի կառավարման տարիներին, այժմ չի գործում, լրատվամիջոցները ազատ են, հանրությունը ազատ է, ոչ մեկի եթերը չեն ազատում, ֆիզիկական ճնշումներ չկան: «Մարդիկ արտահայտում են իրենց կամքը: Բայց ես վստահ եմ, որ հասարակությունը համարժեք գնահատական կտա, որովհետև հասարակությունը Ձեր նշած 60 գործիչները չեն, որոնք Քոչարյանի ընտանիքին մոտ կանգնած մարդիկ են»,-հավելեց պատգամավորը: