Մոսկվան պատրաստ է ցանկացած պահի երկարաձգելու Ռազմավարական հարձակողական սպառազինությունների հետագա կրճատման և սահմանափակման միջոցների պայմանագիրը (ՌՀՍՊ, ոչ պաշտոնական անվանումը՝ ՌՀՍ-III): Ինչպես տեղեկացնում է TASS-ը, դեկտեմբերի 19-ին այդ մասին հայտարարել է նախագահ Վլադիմիր Պուտինն ամենամյա մեծ մամուլի ասուլիսում:
«Դուք հիշատակեցիք այն հիմքերից մեկը, որի վրա մենք պետք է կառուցենք (ԱՄՆ-ի հետ) մեր հարաբերությունները. դրանք գլոբալ անվտանգության հարցերն են, այդ թվում ՌՀՍ-III-ը: Մենք տվել ենք մեր առաջարկությունները,- նշել է Ռուսաստանի ղեկավարը:- Ես արդեն ասել եմ, ցանկանում եմ մեկ անգամ ևս ասել. մենք ընդհուպ մինչև տարեվերջ պատրաստ ենք պազապես վերցնել և երկարաձգել գործող ՌՀՍ-III համաձայնագիրը»:
«Բայց առայժմ մեր բոլոր առաջարկություններին ոչ մի պատասխան չկա»,- ուշադրություն է հրավիրել Պուտինը: Նրա խոսքով՝ եթե չլինի նաև ՌՀՍ-III-ը, «ապա աշխարհում ընդհանրապես չի լինի ոչ մի բան, որ զսպում է սպառազինությունների մրցավազքը»: «Եվ դա, իմ կարծիքով, վատ է»,- հավելել է նախագահը:
ՌՀՍՊ-ն Մոսկվան և Վաշինգտոնն ստորագրել են 2010 թվականին: Դրա պայմանների համաձայն՝ կողմերից յուրաքանչյուրն իր ռազմավարական հարձակողական սպառազինությունները կրճատում է այն կերպ, որպեսզի յոթ տարի անց և հետագայում միագումար քանակությունները չգերազանցեն 700 միավորը ծավալված միջմայրցամաքային բալիստիկ հրթիռների, սուզանավերի բալիստիկ հրթիռների և ծանր ռմբակոծիչների համար, 1550 միավորը դրանց մարտալիցքերի համար, 800 միավորը ծավալված և չծավալված միջմայրցամաքային բալիստիկ հրթիռների, սուզանվերի բալիստիկ հրթիռների և անվտանգության տեխնիկայի համար: Պայմանագիրն ուժի մեջ է մնում 10 տարվա ընթացքում (մինչև 2021 թվականը), եթե մինչ այդ ժամկետը չի փոխարինվի հետագա համաձայնագրով: Այն նաև կարող է երկարաձգվել հինգ տարուց ոչ ավելի (այսինքն՝ մինև 2026 թվականը) երկուստեք համաձայնությամբ:
