Այսօր խորհրդարանն ընդունեց «Տեղական հանրաքվեի » օրենքում լրացումներ և փոփոխություններ կատարելու մասին» ՀՀ օրենքի նախագիծը: Դեմ էր միայն ԼՀԿ խմբակցությանը: Նախագծի հեղինակ Վարազդատ Կարապետյանը «Առաջին լրատվական»-ի հետ զրույցում նշեց, որ միայն կառավարությունը ունի վարչատարածքային օրենքում փոփոխություններ առաջարկելու իրավունք, այսինքն՝ համայնքների միավորման նախագիծը կառավարությունը բերում է ԱԺ.«Հիմա ընդամենը 1 տարբերակ կա, որով համանքը ևս կարող է իր կարծիքը արտահայտել, ինչն ամրագրված է ԱԺ կանոնակարգ սահմանադրական օրենքում, որով համանքի ղեկավարը մեր հանձնաժողովի նիստի ժամանակ կարող է ելույթ ունենալ և ներկայացնել համայնքի կարծիքը: Մենք կարծում ենք, որ սա շատ թերի և միակողմանի մոտեցում է: Դրա համար միանգամից 2 նոր մեխանիզմ ենք առաջարկում համանքի կարծիքը լսելի դարձնելու համար: Առաջինը՝ տեղական հանրաքվե. դա կլինի խորհրդատվական հանրաքվե: Մենք պարտավոր չենք լինելու համայնքի որոշումը ընդունել»: