Մի քանի տասնյակ ամերիկացի դիվանագետներ մոտակա օրերին կլքեն Սաուդյան Արաբիան՝ թագավորությունում կորոնավիրուսի մեծ բռնկման պատճառով` գրում է Wall Street Journal-ը ՝ վկայակոչելով աղբյուրների:
Աղբյուրների համաձայն` ԱՄՆ Պետդեպարտամենտը թույլ է տվել բոլոր աշխատակիցներին իրենց ընտանիքների հետ լքել դիվանագիտական ներկայացուցչության տարածքը:
Թերթը նաև գրում է, որ դեսպանատան աշխատողների շրջանում առնվազն 30 դեպք է արդեն արձանագրվել: Ավելի վաղ դեպարտամենտի վարորդը մահացել էր կորոնավիրուսից, ավելի ուշ դիվանագետներից մեկի ընտանիքի անդամին մերժել են հոսպիտալացնել:
Ներկայում Սաուդյան Արաբիայում կորոնավիրուսով հիվանդների թիվը գերազանցել է 200 հազարը: