Թուրքիայում Ֆինանսական հանցագործությունների հետաքննության խորհրդի (MASAK) 115 նախկին աշխատակիցներ ձերբակալվել են։
Նշվում է, որ այդ անձինք այդ խորհրդում աշխատանքի էին անցել 2016թ․ հուլիսի 15-ին տեղի ունեցած հեղաշրջման փորձից հետո, իսկ 2019թ․ նոյեմբերին տեղափոխվել են այլ աշխատանքի պետական տարբեր հաստատություններում։
Նրանք կասկածվում են Թուրքիայում ահաբեկչական համարվող «Ֆեթուլլահական կազմակերպության» (գյուլենական շարժում) հետ կապեր ունենալու, երկրի նախագահ Ռեջեփ Թայիփ Էրդողանի և բազմաթիվ քաղաքական գործիչների նույնականացման համարով համակարգում հարցում կատարելու մեջ։
Դատախազությունը շարունակում է քննությունը՝ պարզելու, թե արդյոք տվյալ անձինք ուսումնասիրել են Էրդողանի «ֆինանսական շարժերը»։