Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցության (ԱԶԿ-AKP) մամուլի քարտուղար Օմեր Չելիքը հանդես է եկել ՀՀ զինված ուժերի գործողությունները դատապարտող հայտարարությամբ։
«Twitter» միկրոբլոգի իր էջում Չելիքը գրել է. «Մենք խստիվ դատապարտում ենք Հայաստանի ագրեսիան եղբայրական Ադրբեջանի նկատմամբ։ Հայաստանը թող վստահ լինի, որ դա չի մնալու անպատասխան»։
Նա նաև հավաստիացրել է, որ Թուրքիան ցանկացած ժամանակ ցանկացած պայմաններում Ադրբեջանի կողքին է։