Այսօր բնապահպան ակտիվիստներն ու ջերմուկցիները հավաքվել ու երթով շարժվել են դեպի Ամուլսարի հենակետեր։ Ոստիկանները փակել էին դեպի Ամուլսար տանող ճանապարհը, ինչի հետևանքով ակտիվիստների և ոստիկանության միջև տեղի է ունեցել բախում։
Իրականում ի՞նչ տեղի ունեցավ․ «Առաջին լրատվական»-ի հարցին քաղաքացիական ակտիվիստ Միքայել Մարգարյանը պատասխանեց․ «Ջերմուկից մենք քաղաքացիների հետ մեքենաներով եկանք այստեղ, որտեղ մեզ ոստիկանությունը սպասում էր։ Ցավոք սրտի, ոստիկանությունը մեզ ընդունեց շատ կոպիտ, շատ կոշտ։ Միանշանակ կասեմ, որ քաղաքացիների կողմից չի եղել բախման ցանկություն կամ տրամադրվածություն։ Միայն խաղաղ պահանջ էր։ Ճիշտ է՝ ինձ չեն անհանգստացրել, բայց իմ ընկերներից մի քանի հոգու բերման են ենթարկել, իսկ մի քանի հոգի էլ վնասվածք է ստացել, լավ է՝ շտապօգնությունը հասել էր։ Սա անթույլատրելի իրավիճակ է, որովհետև այստեղ, միանշանակ, հանցանքի տարր կա։ Եթե օրինական լիներ, ապա դա կարելի էր անել ցերեկը։ Ցավոք սրտի, ոստիկանությունն այսօր պաշտպանում է «Լիդիան Արմենիա»-ի անօրինական գործողությունները։ Ամեն դեպքում ասեմ, որ «Լիդիան» ընկերությունը պետք է հեռանա Հայաստանից։ Ոչ մի դրական բան չկա թե՛ հանքի մեջ, թե՛ «Լիդիան»-ի ապօրինի գործողությունների մեջ։ Ամուլսարը մնալու է սար»։
Մանրամասները՝ տեսանյութում։