«Հեզբոլահ»-ի ներկայացուցիչները հերքել են մերձավորարևելյան մի շարք լրատվամիջոցների հաղորդումները, որ նրանք կարող են ներգրավված լինել Բեյրութի նավահանգստում տեղի ունեցած պայթյուններին: Հայտարարվել է, որ իրականությանը չի համապատասխանում այն վարկածը, որ պայթյունը տեղի է ունեցել խմբավորման զինապահեստում:
«Հեզբոլահ»-ը նաև հավելել է, որ պայթյունը ռազմական օբյեկտին իսրայելական որևէ հարվածի հետևանք չէ:
Նախնական տվյալներով, նավահանգստում պայթել է պիրոտեխնիկայի պահեստ կամ դրանով բեռնված նավ:
Պայթյունի ալիքը զգացվել է մի քանի տասնյակ կիլոմետր հեռավորության վրա: Քաղաքում ավերվել են մի քանի շենքեր, իսկ ենթակառուցվածքների վնաս գրանցվել գրեթե ամբողջ Բեյրութում: Այս պահին հայտնի է 10 զոհվածի մասին, ականատեսները հաղորդել են հարյուրավոր վիրավորների մասին:
