Չինական ամենահայտնի օնլայն խանութներից մեկից՝ Պինդուոդուոյից ծանրոցների ուղիղ առաքումը Հայաստան դարձել է իրականություն՝ Գլոբբինգ ընկերության հետ համագործակցության շնորհիվ:
Չինական օնլայն խանութներից ապրանքներ պատվիրելու պահանջարկը Հայաստանում շատ մեծ է։ Իսկ ապրանքների բազմազանությունն ու մեծ տեսականին, ինչպես նաև մատչելի գները միայն նպաստում են այդ թվի աճին։ Պինդուոդուոն առաջարկում է աննախադեպ՝ մինչև 7 անգամ ավելի մատչելի գին նմանատաիպ այլ խանութների համեմատ։
Ոլորտի առաջատար ընկրության հիմնադիր տնօրեն Դավիթ Հարությունյանը, խոսելով Պինդուոդուոյի հետ համագործակցության մասին, նշում է, որ հավելվածում այսուհետ հնարավոր է չինարենի փոխարեն գրանցվել նաև ռուսերենով կամ անգլերով.
«Գլոբբինգի և Պինդուոդուոյի համագործակցության շնորհիվ Պինդուոդուոն արդեն հասանելի է Հայաստանում շատ ավելի արագ և հարմարավետ։ Այլևս պետք չէ դժվարությամբ մտնել և չինարենով գրանցվել, արտասահմանյան հեռախոսահամար փնտրել և այլն։ Այս բոլոր գործընթացներն այլևս չկան, ամեն բան հեշտացված է։ Արդեն կարելի է գրանցվել հայկական հեռախոսհամարով, առաջարկվող դաշտերը լրացնել ռուսերենով կամ անգլերենով, և Պինդուոդուոն անմիջապես Գլոբբինգի միջոցով ծանրոցը կուղարկի Հայաստան»։
Ընկերության հիմանդիրը շեշտում է, որ բոլոր բարելավումները, որոնք Գլոբբինգն արել և անում է, իրականացվում են հիմնովին. «Ինչպես հիշում եք՝ ժամանակին ծանրոց ստանալու համար անձն անձնագրով պետք է մոտենար փոստային ընկերություն, սպասեր 15 րոպե, նոր ստանար ծանրոցը։ Եթե մաքսային գործընթացներ կային, նաև պետք է այցելեր մաքսատուն։ Հիմա այս բոլոր խոընդոտները չկան։ Չինական ամենաէժան կայքը՝ մաքսիմալ հեշտացված տարբերակով հասանելի է հայկական շուկայի համար։»։
Գլոբբինգի 150-ից ավելի լոքերների և ռոբոտացված ինովացիոն սրահների ամենամեծ ցանցի միջոցով Պինդուոդուոյից արված գնումները արագ և հեշտացված ճանապարհով կհասնեն Հայաստան:
Նորարարություններն ու փոփոխությունները շարունական են լինելու Գլոբբինգում՝ նպատակ ունենալով հաճախորդի համար ստեղծել լավագույն պայմաններն ու առաջարկել ամենահարմար տարբերակները: