ԱՄՆ նախագահ Ջո Բայդենը հայտարարել է, որ վստահորեն իրականացնում է իր աշխատանքը, հայտնում է РИА Новости-ն:
Նա ընդգծել է, որ նախագահական հերթական ժամկետի համար չէր առաջադրվի, եթե ամբողջ հոգով ու սրտով չհավատար, որ կարող է անել իր գործը։
Բայդենի խոսքով՝ ԱՄՆ նախկին նախագահ Դոնալդ Թրամփը իսկական սպառնալիք է երկրի համար։
Մինչ այս հայտնի էր դարձել, որ Դեմոկրատական կուսակցության դոնորները բանավեճում ԱՄՆ նախագահ Ջո Բայդենի ելույթից հետո եկել էին այն եզրակացության, որ անհրաժեշտ է փոխարինել թեկնածուին։
Նշվում է, որ վերջին բանավեճից հետո ԱՄՆ նախկին նախագահ Դոնալդ Թրամփը Սպիտակ տուն վերադառնալու ֆավորիտ է։
